15.4 C
London
Saturday, June 22, 2024

Me 131 vota për, 29 kundër dhe 11 abstenime ka kaluar raporti i Bakoyianis për anëtarësimin e Kosovës në KiE

Asambleja Parlamentare e Këshillit të Evropës ka votuar pro raportit të Dora Bakoyannis për anëtarësimin e Kosovës në këtë organizatë.

Kosovës tani i ka mbetur vetëm një hap për anëtarësim në KiE, që është votimi i Këshillit të Ministrave të Jashtëm në muajin maj nëse hyn në rend dite.

Çka pritet tash?

Pasi Asambleja Parlamentare ka votuar pro anëtarësimit të Kosovës të martën, çështja tash kalon në duart e ministrave të Jashtëm të Këshillit të Evropës, të cilët duhet të vendosin përfundimisht nëse Kosova do të bëhet anëtarja më e re e organizatës.

Takimi i radhës i Këshillit të Ministrave do të zhvillohet në mesin e muajit maj. Këshilli i Ministrave të Jashtëm në Këshillin e Evropës takohet një herë në vit, tradicionalisht në muajin maj.

Por, ka zëra në qarqet diplomatike që thonë se anëtarësimi i Kosovës mund të mos vendoset fare në agjendën e takimit e ministrave në maj.

Kjo lidhet edhe me aktivitetin e vendeve të QUINT-it, Shtetet e Bashkuara, Gjermania, Britania e Madhe, Franca dhe Italia, të cilat zakonisht e mbështesin Kosovën, por tani duan të shohin nga Kosova lëvizje drejt themelimit të Asociacionit të komunave me shumicë serbe.

Sa i përket raportit, për të cilin u votua sot, në të themelimi i Asociacionit përmendet si kusht pas anëtarësimit në Këshillin e Evropës.

/GazetaSinjali/

Mos e humbisni këtë ofertë
Ngjarjet e fundit
Mos e humbisni këtë ofertë
NGJARJET KRYESORE:
Mos e humbisni këtë ofertë